പാലം തുറന്നിട്ടും രക്ഷയില്ല; വൈറ്റിലയില്‍ ഗതാഗത നിയന്ത്രണം

മരട് (എറണാകുളം): പാലം തുറന്നിട്ടും വൈറ്റിലയിലെ ഗതാഗതക്കുരുക്ക് തുടര​ുന്നതിനാല്‍ നിയന്ത്രണങ്ങള്‍ ഏര്‍പ്പെടുത്തി ട്രാഫിക് പൊലീസ്. പാലം തുറന്ന ദിവസം തന്നെ പാലത്തി​െന്‍റ ഇരുവശങ്ങളിലും വന്‍ കുരുക്കാണ് അനുഭവപ്പെട്ടത്.

നിലവില്‍ പാലത്തിനടിയിലെ സിഗ്​നല്‍ സംവിധാനമാണ് ഗതാഗതക്കുരുക്ക് രൂക്ഷമാക്കുന്നതെന്നാണ് ആക്ഷേപം. ഇവിടെ വാഹനങ്ങള്‍ സിഗ്​നലില്‍ കിടക്കുന്നതുമൂലം നീണ്ടനിരയാണ് എസ്.എ റോഡിലും പാലത്തി​െന്‍റ ആരംഭത്തിലും അനുഭവപ്പെടുന്നത്. ഇത് നിയന്ത്രിക്കുന്നതി​െന്‍റ ഭാഗമായാണ് പുതിയ നിയന്ത്രണങ്ങള്‍ ഏര്‍പ്പെടുത്തിയത്.

കടവന്ത്ര, പൊന്നുരുന്നി ഭാഗങ്ങളില്‍നിന്ന്​ വരുന്ന തൃപ്പൂണിത്തുറ, ആലപ്പുഴ ഭാഗങ്ങളിലേക്ക് പോകേണ്ട വാഹനങ്ങള്‍ പഴയപോലെ പൊന്നുരുന്നി അണ്ടര്‍പാസ് വഴി തന്നെ പോകണം. നേരത്തേ പാലത്തിനടിയിലെ സിഗ്​നലിലൂടെ നേരെ ഇരുറോഡുകളിലേക്കും പ്രവേശിക്കാമായിരുന്നു. ഇപ്പോള്‍ ഇവിടെ പൊലീസ് കെട്ടിയടച്ചു.

കണിയാമ്ബുഴ ഭാഗത്തുനിന്നും വരുന്ന വാഹനങ്ങള്‍ മൊബിലിറ്റി ഹബ്​ വഴി തൃപ്പൂണിത്തുറ, ആലപ്പുഴ ഭാഗത്തേക്ക് പോകണം. പാലത്തിനുസമീപത്തെ സര്‍വിസ് റോഡുകള്‍ക്ക് വീതി കുറവായതും ഗതാഗതക്കുരുക്ക് രൂക്ഷമാകാന്‍ കാരണമാകുന്നതായി യാത്രക്കാര്‍ ചൂണ്ടിക്കാട്ടുന്നു.